by Webmaster | 21/03/2023 | Internashonal
Outoridatnan Franses a limitá e kuotanan pa piska despues ku den poko tempu laman a trese sentenáres di dolfein morto kosta. Un korte haltu na Fransia a duna òrdu (nota di redakshon: artíkulo original tin imágen gráfiko!) pa prohibí piskamentu den partinan Franses di Atlántiko. Gobièrnu tin 6 luna di tempu pa indiká e áreanan kaminda por piska ainda i kuminsá supervisá e sektor di piskadó pa evitá ku nan ta fangu dolfein inintenshonalmente.
For di fin di aña pasá sigur 910 kadaver di dolfein a bin kaba riba kosta wèst di Fransia. Hopi kadaver tabatin nèt, hèrmènt di piska pegá na nan òf herida di propèler di boto.
Dor di falta di populashon di piská mas chikitu ta inevitabel ku e animalnan i piskadó ta haña nan konfrontá ku otro. Te ku aworakí gobièrnu no tabata kier a tuma medida severo, pero ku e òrdu di wes Fransia mester tuma pasonan mas drástiko pa protehá e animalnan aki kontra ekstinshon.
by Webmaster | 21/03/2023 | Internashonal
E populashon di orka na parti wèst di Merka ta kore peliger dor di endogamia. Asina e revista Nature, Ecology & Evolution ta informá. E populashon ta asina chikitu ku e ehemplarnan ta kaba ta par ku famia di serka. Konsekuentemente e orkanan ta fayesé hopi yòn i e populashon no ta haña chèns pa rekuperá. E orkanan femenino ta mas fértil rònt di 20 aña, pero hopi di nan no ta ni alkansá e edat ey mas.
E problema sinembargo no ta solamente e endogamia. Tin tres grupo grandi ku ta move na parti wèst di Canada i Merka pero e gruponan aki no a krusa i topa ku otro sufisiente den e último 30 generashonnan. Esaki ta okashoná pa e impakto di aktividat humano den siglo 20, ku ta inkluí kaptividat pa rekreo, polushon i piskamentu pa konsumo humano, lagando ménos pa e animalnan atras.
Segun sientífikonan e úniko manera pa salba e espesie di ekstinshon ta dor di limitá aktividatnan humano den e áreanan aki via e vários programanan di konservashon rònt mundu.
by Webmaster | 21/03/2023 | IT, Apps & Social Media
Ámtenarnan di Reino Hulandes a haña un konseho urgente di gobièrnu di Hulanda pa stòp di usa apps for di China i Rusia inmediatamente riba nan telefòn. Ku e paso aki gobièrnu di Hulanda ta sigui ehèmpel di Merka i Komishon Oropeo ku a disidí prohibí uso di entre otro TikTok riba telefòn di ámtenarnan.
Ainda no tin un prohibishon total pa ámtenarnan Hulandes, pero esaki probablemente lo sigui pronto. Gobièrnu di Hulanda a haña konseho di servisio di inteligensha AIVD ku a atvertí ku paisnan manera China i Rusia por ta usando e apps aki den nan ofensivanan digital, sea pa spionage òf pa influenshá hende durante elekshon.
Sekretario di estado Alexandra van Huffelen, ku ta enkargá ku e kartera Digitalisashon tambe, a splika ku Hulanda lo bai un paso mas leu ku Merka i Oropa. Hulanda ta bai fasilitá telefòn nobo ku reglanan manera e tipo di apps ku ta pèrmití riba telefòn di trabou.
