Tesla ta lansa vários modelo nobo den próksimo 12 luna inkluyendo modelo ekonómiko

by Webmaster | 24/04/2024 | Business & Economy

E fabrikante di outo Tesla ta bai lansa vários modelo den próksimo 12 luna, di kua un modelo mas ekonómiko. E preis ta tentativamente kalkulá na mas o ménos 25 mil dòler.

E liña nobo tabata planiá pa mas lat den 2025, pero segun e kompania nan ta kla pa sali fábrika kaba. E modelonan nobo ta basá riba teknologia eksistente, pero ta bin ekipá ku algun elemento nobo ku ta den desaroyo.

E kompania ta tene kuenta ku dor di e lansamentu aki ta bira un poko difísil ekonomisá riba gastunan operashonal, pero di otro banda e ta benefisiá e kapasidat di produkshon disponibel i stimulá kontinuidat di Tesla. No ta konosí ainda kuantu e modelonan nobo ta bai kosta.

2024 a kuminsá difísil pa Tesla. Den e kuartal mas resien e kompania a mira su resultado baha ku 9% te 21,3 mil mion dòler. E reultado for di benta a baha ku 55% te 1.130 mil mion dòler. Esei ta igual na 386.810 outo, 9% ménos ku e mesun periodo un aña promé.

E kompania ta atribuí e pèrdida na e riesgonan ku tabata asotá Mar Kòrá entre Yemen i Ost Áfrika. Un kandela resien na un fábrika na Alemania tambe lo a afektá e resultadonan di e kompania.