5W Press Newsletter #42 2023

Siruhanonan na New York a logra un transplante eksitoso di wowo. Ta trata di un primisia ounke e resipiente no ta mira nada ku e wowo. E transplante di wowo ta forma parti di un transplante parsial di kara. E pashènt ta e militar di 46 aña Aaron James. El a sobrebibí un aksidente ku […]

Vários partido polítiko na Hulanda a viola e lei di privasidat dor di usa cookies pa follow usuario sin pidi outorisashon pa esaki. Asina por dedusí for di un investigashon di NOS. Lo ta trata di BoerBurgerBeweging (BBB), Forum voor Democratie (FvD), SGP i Volt. Di e 4 partidonan embolbé, 3 a indiká ku ta […]

Portuguesnan ta bai urna den mart próksimo. Marcelo Rebelo de Sousa, presidente di Portugal, a anunsiá e elekshon pero lo warda pa disolvé parlamentu te ora ku esaki aprobá presupuesto e luna aki mes. Portugal ta tene elekshon nobo despues di retiru di promé minister António Costa relashoná ku un posibel kaso di korupshon i fabor […]

Aktornan Merikano probablemente ta bai reanudá trabou. E sindikato SAG-AFTRA a logra un akuerdo ku e studionan grandi i servisionan di streaming. E miembronan tin ku aprobá e akuerdo ofisialmente djabièrnè próksimo. Si tur kos bai bon produkshonnan por kuminsá drai atrobe despues di tabata 4 luna paralisá. E 160 mil miembronan tabata den wèlga […]

E demanda pa djamanta a kasi kongelá den último par di luna. Asina por dedusí for di sifranan di De Beers Group, un di e komersiantenan di djamanta mas grandi na mundu. Den òktober e kompania a bende pa mas o ménos 80 mion dòler na djamanta. Esei ta ménos ku mitar di e benta […]

E kompania Hapones Eneos Group lo a paga sigur 4 mion dòler pa haña preferensha pa pasa dor di e kanal di Panamá. Asina entre otro agensia di prensa Bloomberg ta informá a base di dokumentonan di findishi. Manera ta konosí dor di sekura i temperaturanan haltu e nivel di awa den e kanal ta […]

E glèchernan den parti nort di Grunlandia ta dirti mas lihé ku hende tabata pensa. For di 1978 te ku aworakí ya un terser parti di e eis a disparsé. Kontrali na e eis di nort pol ku práktikamente ya ta disparsé den verano e eis di Grunlandia ta eis riba tera ku si ta […]

Promé minister di Portugal António Costa a tuma retiru relashoná ku un posibel kaso di korupshon i fabornan polítiko. Costa a anunsiá su retiru despues di un reunion ku presidente di Portugal Marcelo Rebelo de Sousa. Djamars ora Costa a hasi su anunsio polis ya a hasi algun entrada na su kas gubernamental Palacio São […]

Nintendo ta sigui traha hopi ganashi riba e pelíkula Super Mario Bros. Movie i e video game The Legend of Zelda: Tears of the Kingdom. E éksito di e dos títulonan aki a stimulá benta di games i unidatnan di Switch, e console mas popular di Nintendo di momentu. E último 2 kuartalnan ta e […]

E plataforma X (ántes Twitter) tin 1 persona so ku ta komprondé Hulandes bou di su team di moderadó. E team aki ta responsabel pa kontrolá si e mensahenan riba e plataforma ta kumpli ku e respektivo reglanan di kondukta. E team kompleto di moderadó ta konsistí di 2294 persona segun un rapòrt publiká pa […]

Ukrania i Moldavia por kuminsá ku negosiashonnan pa bira miembro di Union Oropeo. Asina NOS ta informá a base di un konseho di Komishon Oropeo ku lo keda tratá djarason. Segun e miembronan di e komishon e paisnan ta kumpli ku e rekerimentunan pa miembresia di Union Oropeo. Ukrania i Moldavia mester a implementá vários […]

E preis pa materianan prima pa traha bateria pa outo eléktriko a baha konsiderablemente e aña aki. Asina e preis di litium a baha ku 70% i nikel ku mas o ménos 40%. E bahada ta un alivio konsiderando ku aña pasá e preisnan a subi drástikamente. E mayor motibu pa e redukshon di preis […]

Djaka tin e mesun kapasidat di imaginashon manera hende. Asina investigadónan na Janelia Research Campus a konkluí. Atraves di virtual reality e sientífikonan a midi e aktividat serebral di djaka di laboratorio. E aktividat opservá lo ta komparabel na esun di sernan humano. Meskos ku serka hende e asina yamá hippocampus, e parti ku ta […]

Surnam ta e promé pais den region di Amazona ku a registrá 0 kaso di kontagio ku malaria for di 2021. Esaki apesar ku e pais ta rondoná ku otro paisnan kaminda si ta registrá kontagio lokal. Pa e logro aki e pais a risibí un rekonosementu di parti di Pan American Health Organisation (PAHO). […]

E resultado di Apple a baha den di tres kuartal ku 0.7% kompará ku e mesun periodo aña pasá. Apple a sera e kuartal mas resien ku un resultado total di 89.5 mil mion dòler. E bahada ta debí na e benta redusí di tablets i Macs. E benta di smartwatches i speaker inteligente tambe […]