Twitter tin ku sigui kumpli ku reglanan Oropeo. Si e ret sosial no logra limitá propaganda polítiko, mensahenan di odio i intimidashon e kompania por ferwagt un multa òf te asta un blòk. Asina un komisario Oropeo prominente (Thierry Breton) a atevertí.
Oropa a kaba di adoptá regla nobo pa merkado i servisionan digital pa kombatí desinformashon i odio ku Twitter mester kumpli ku n’e. Asina ya tin akuerdo pa delete tur kontenido ekstremista òf terorista. Na Oropa tin basta preokupashon ku e kantidat enorme di hende ku Elon Musk a kita for di trabou despues ku el a atkirí Twitter. Ku ménos personal ta difísil kombatí mensahenan ku kontenido in aseptabel.
