Twitter ta definitivamente algu di pasado. Propietario Elon Musk a buta tur opheto ku e logo di e para na benta, inkluyendo e bòrchi grandi parti dilanti di e sede di e kompania. Pa kita esaki Musk mester haña pèrmit ainda paso e trabounan lo tuma lugá den espasio públiko. Por sierto ku esun ku ke kumpra e bòrchi lo mester kubri e gastunan tambe pa kit’e.
Na total ta trata di 584 artefakto manera mesa, pinturanan di Tweet ku a bira viral i asta algun instrumento musikal. E artefaktonan lo ta na benta a partir di 25 dòler via un findishi online. E findishi ta planiá pa 12 di sèptèmber. Mas informashon lo sigui.
