5W Press Contributors
Un plataforma profeshonal pa Content Creators
Bo tambe ke bira Contributor?
Nos kontribuyentenan (Contributors) ta konsistí di no solamente periodista, reportero, produktor i outornan independiente, pero tambe dosente, alumno i studiante.
Nos plataforma ta ekipá ku opshonnan tekstual i oudiovisual ku no ta posibel ku social media i otro medionan di komunikashon tradishonal.
Un di e metanan di e plataforma aki ta pa stimulá presensia di Papiamentu riba internèt ku publikashonnan i artíkulonan edukativo di kalidat haltu.
Pa kumpli ku e meta aki nos no ta kobra nada. Si bo por ofresé kalidat haltu i kumpli ku e prinsipionan di nos plataforma, abo tambe por bira Contributor di 5W Press.
Fotógrafo, Kamarógrafo i Ilustradó tambe ta bon biní komo Contributor
5W Press no ta solamente adekuá pa periodista, reportero i “hende ku ta skirbi bon” so. E opshonnan di nos plataforma ta programá tambe pa yuda produktornan di kontenido oudiovisual òf fotografia publiká nan trabou di un forma organisá i visualmente atraktivo.
No esei so! 5W Press ta diseñá pa adaptá na kualkier tipo di aparato digital manera desktop, laptop, tablet i smartphone. Komprobá pa bo mes habriendo e página aki riba e aparatonan menshoná!
Organisá i publiká bo trabou fásil
Nos plataforma tin funshonnan avansá, pero fásil den uso, pa prosesá teksto kompañá pa portrèt i/òf material oudiovisual ku bo por “embed” sin retraso for di plataformanan sosial.
Krea un Portfolio profeshonal
Kontribuyentenan di fotografia i material oudiovisual por hasi uso di nos Portfolio pa publiká nan trabou ku opshonnan komparabel i te asta mihó ku social media.
Yuda nos krea un “Smart Nation“
Si bo ta un Content Creator ku por yuda eduká / stimulá tur “best practice” ku ta pas den kreashon di un “Smart Nation” konsiderá forma parti di nos tim di Contributors!
Frequently Asked Questions
Tin pago òf salario?
5W Press no ta un kompania, sino un plataforma avansá ku Content Creators lokal por hasi uso di dje gratuitamente pa publiká nan trabou.
Mi tin ku paga pa kontribuí?
Nò. Nos no ta kobra nada na nos Contributors pa hasi uso di e plataforma pa publiká kontenido.
Mi por generá entrada ku mi publikashonnan?
Tur Contributor ta pèrmití usa avisonan komersial den su publikashonnan riba 5W Press pa generá entrada. Nos no ta kobra nada pa esaki, pero ta pidi si a kambio pa Share e publikashonnan riba social media. That’s it!
Rekerimentunan pa Contributors
Sigui direktivanan di étika i kalidat
Contributors ta komprometé na operá segun 5W’s i kumpli ku e asina yamá Deklarashon di Bordeaux. Di e forma aki nos por garantisá nos oudiensia trabou ku ta kumpli ku étika, reflehá echo mihó posibel i informá i/òf eduká di un forma imparsial i liber di polítika.
Skirbi den bon Papiamentu
Esaki ta konta partikularmente pa esnan ku kier publiká teksto. Teniendo kuenta ku un di nos propósitonan (stimulá presensia di Papiamentu riba internèt), nos ta rekerí Contributors ku por skirbi di forma profeshonal den Papiamentu.
Material oudiovisual
Skirbi bon Papiamentu ta konta opviamente ménos pisá pa Contributors di fotografia i material oudivisual. Nos ta pidi solamente material di bon kalidat ku lenguahe i imágen di komportashon desente. Nos no ta interesá den sensashonalismo i no ta publiká esaki.
Konosementu di materia
Nos propósito ta pa brinda un plataforma serio ku artíkulonan ku kontenido serio segun e prinsipio di 5W’s. Pa motibunan mas ku opvio nos preferensha ta bai na kandidatonan ku ta berdaderamente spesialisá den e temanan ku nan ta kontribuí òf ku eksperensha demostrabel.
Search Engine Optimalisation
E kandidato no solamente mester konosé e reglanan di ortografia di Papiamentu, pero mester sa tambe (di)kon (i ki ora) desviá for di esakinan pa propósitonan di Search Engine Optimalisation (SEO). Nos mes por guia bo si bo no tin e konosementu aki.
Disponibilidat i frekuensha
Mirando ku no tin un kompensashon finansiero, nos no ta èksigí un sierto frekuensha pa kontenido di nos Contributors. Además, kalidat tin prioridat riba kantidat.
Selekshon i intake di Contributors
5W Press ta selekshoná su Contributors a base di e rekerimentunan ariba menshoná. Di e forma ei nos por garantisá nos oudiensia bon kontenido.
Ta komprendibel ku no ta tur hende por kumpli ku tur e rekerimentunan aki pareu. 5W Press ta ofresé training i workshops kaminda ta nesesario pa yuda nos Contributors aktualisá nan abilidatnan.
Otro aspekto ku nos ta haña hopi importante i ku ta na base di e prinsipionan di e plataforma aki ta motivashon. Nos no ta brinda espasio pa kontenido polítiko òf tendensioso.
Pa e motibu ei mes nos ta tene un intake personal ku e kandidato. Di e forma ei tambe nos por inventarisá mesora kua ta e áreanan ku ta rekerí training adishonal.
Mas informashon?
Tek e símbolo pa manda un App.
