Aktor Danny Masterson a keda sentensiá na un kastigu di trinta aña te bida largu riba djaweps, despues ku na yüni e aktor Merikano, konosí di e serie popular That ’70s Show, a tende ku e ta kulpabel di violashon den dos kaso. Danny Masterson tabata akusá di 3 kaso.
Sinembargo, hurado no por a yega na un akuerdo pa ku e di tres akusashon. Tres dama, tur èks miembro di Scientology di kua Masterson tambe ta miembro, a akusá e aktor di violashon na su kas entre 2001 i 2003.
Na final di aña pasá, wes a para e kaso pasobra e miembronan di hurado no por a yega na un akuerdo. Pa e motibu ei, ministerio públiko a inisiá un kaso nobo. Masterson semper a nenga tur akusashon. E ta den prisón for di mei, pasobra tabata konsiderá ku e por hui.
