Entrante 11 di yanüari e servisio di streaming Peacock ta bai lansa un serie basá riba e pelíkula popular Ted di e komediante Seth MacFarlane. MacFarlane atrobe lo hasi e stèm di Ted i direkshon di e serie, kua ta bai bèk den pasado.
E serie kómiko lo konsistí di 7 episodio kaminda e tèdiber lo yuda e famia di su amigu John, kende a mira su tèdiber haña biba despues di pidi un deseo. Pero meskos ku den e pelíkula e peluche su komportashon deskontrolá ta hinka John, ku den e serie tin 16 aña, den bastante problema.
Konhuntamente e pelíkulanan original Ted i Ted 2 a generá 750 mion dòler mundialmente. Ámbos pelíkula ta protagonisá pa Mark Wahlberg i Seth McFarlane komo e stèm di Ted.
