Deskonosínan a asesiná e fiskal ku tabata investigando e sekuestro live na televishon na Ecuador siman pasá. Esaki a pasa na e siudat Guayaquil ora ku e tabata na kaminda pa korte.
E asesinato aki ta sigui un serie di aktonan violento ku a lanta kabes den e pais for di siman pasá. Aparte di e ya menshoná insidente na televishon tambe a tene mas di 200 trahadó di prison rehen i a sekuestrá vários agente polisial durante konfrontashon entre polis i vários gang kriminal.
E gobièrnu di presidente Daniel Noboa a yama estado di emergensha i ta papia di un guera sivil. 22 organisashon kriminal a haña e denominashon organisashon terorista.
Ecuador ta hunga un ròl grandi den e kontrabanda mundial di kokaina.
