Un grupo di eskritornan Merikano a lanta un kaso kontra OpenAI, e kompania tras di ChatGPT. Nan ta di opinion ku e kompania lo ta hasi uso di nan trabou pa train e programa di inteligensha artifisial. Tambe nan ta preokupá ku dado momentu e sistema lo remplasá nan.
Sistemanan manera ChatGPT ta programá i di train ku asina yamá datasets. Segun e eskritornan e kompania ta usa nan trabou via kopianan ilegal ku ta disponibel riba internet pa asina yena e datasets aki.
ChatGPT por generá resúmen di buki ora usuario pidi esei, loke ta sugerí ku e sistema mester konosé e kontenido di nan bukinan. OpenAI no a reakshoná ainda riba e demanda.
