Luiz Inácio “Lula” da Silva a gana e di 2 ronda di elekshon presidensial na Brasil. Segun e último konteo ayera nochi Lula a optené kasi 51% di votonan, un viktoria nèt nèt ku ta hasi’e presidente di e pais atrobe. Su kontrinkante Jair Bolsonaro a optené 49,2% di votonan.
Lula tabata presidente di e pais entre 2003 i 2010 i a primintí su votadónan ku lo e bai bèk na su maneho anterior, ku énfasis riba protekshon di esnan mas vulnerabel i anulashon di eksplotashon di Amazona.
Su atversario Bolsonaro a antisipá riba un posibel derota i a anunsiá promé ku elekshon ku lo e laga investigá e proseso di elekshon.
