Despues di a logra detektá palabra i frasenan kompleto awor sientífikonan a logra detektá asta melodia produsí dor di olanan serebral. Esaki ta otro paso dilanti den e siensia rondó di olanan serebral. Músika i formulashon di palabra i frase ta tuma lugá den áreanan separá den nos serebro.
Durante e investigashon e sientífikonan a nota serka 29 persona ku mester a operá pa epilepsia ku nan mente tabata produsí un melodia konosí. Despues di e operashonnan a pasa e señalnan ku nan a logra registrá via waya pegá na e pashèntnan su kabes den un computer pa un programa di inteligensha artifisial reprodusí e melodia.
Pa nan gran sorpresa e olanan serebral di e pashèntnan a produsí un meldoia ku ta zona kasi idéntiko na Another Brick in the Wall di e konosido banda Britániko Pink Floyd. Ta trata di e melodia bou di e palabranan “All in all, it’s just another brick in the wall”.
E ta zona manera ta bou di awa a graba e kansion.
Investigashon adishonal mester determiná ainda si ta trata di kon nos ta prosesá músika, si ta trata di memoria kompartí òf algu kompletamente diferente.
