Un outomobilista na Inglatera a logra saka su reibeweis despues di 60 intento. Ta trata di e èksamen di teoria. Na total tur e intentonan aki a kosta e outomobilista 1400 pound den un periodo di 6 luna.
Ta un trend ku por nota serka mas hende. Tabatin otro kandidatonan e aña aki ku a hasi por ehèmpel 57, 55 i 53 intento pa pasa e èksamen di teoria. E ofisina di reibeweis na Inglatera ta bai investigá kiko ta okashoná e trend aki.
