Parlamentu Oropeo a aprobá un proposishon pa un direktiva ku ta prohibí kompanianan destruí paña ku no a bende. Falta solamente aprobashon di mandatarionan di Union Oropeo. E direktiva ta disponibel aki.
Di momentu tin hopi kompania Oropeo ku ta laga kima paña ku nan no a logra bende òf ku klientenan online ta manda bèk. E direktiva nobo aki mester krea un merkado mas duradero pa paña. De echo ta un update riba un otro direktiva ku ta prohibí destrukshon di aparatonan elektróniko ku no a bende.
E reglanan nobo ta bai konta pa fabrikantenan di mueble tambe. No tin klaridat sinembargo riba kiko mester pasa ku e produktonan despues. Den Union Oropeo tin speransa ku lo resiklá e pañanan.
