Presidente di Rusia Vladimir Putin a konfirmá morto di Yevgeny Prigozhin, lider di e grupo di mersenario Wagner Group. Djarason a bira konosí ku Prigozhin su nòmber tabata riba e lista di pasahero di un avion ku a kai. Aparte di Prigozhin e èks komandante i ko-fundadó di Wagner Group Dmitry Utkin tambe tabata na bordo di e avion i pèrdè su bida den e crash.
Durante un diskurso na televishon Putin a duna famia di e lider mersenario kondolensha. Putin lo tabata remarkablemente positivo riba e lider di Wagner Group. Referiendo na e rebeldia di den yüni Putin a bisa ku ta opvio ku Prigozhin a kometé eror den su bida. Tambe el a primintí ku lo investigá kousa di e aksidente. Putin a indiká mas aleu ku ta djaweps mainta el a tende di e aksidente.
