Na Italia a registrá un temblor ku un forsa di 5.7 riba skala di Richter. E temblor a tuma lugá nèt dilanti e kosta ost di e pais. Te asina leu no a registrá ningun víktima mortal di e temblor. Si a registrá bastante daño material na kasnan i edifisionan. Na vários lugá den e region a sera skolnan i tambe transporte públiko ta paralisá. E temblor a tuma lugá na un profundidat di 7 kilometer bou di awa, pero esaki afortunadamente no a okashoná un tsunami.
