Urban Reports

Eksplorashon Urbano

Kiko ta Urban Exploration?

Eksplorashon urbano (Ingles = Urban exploration, urbex òf tambe roof-and-tunnel hacking) ta eksplorashon di strukturanan históriko, mayoria biaha monumentonan bandoná, dekaí òf den ruina. E meta ta pa yega na imágennan interesante ku por inkluí den dokumentashon históriko di e struktura promé ku esaki disparsé kompletamente.

Otro formanan di Urban exploration ta inkluí draining (eksplorashon di sistemanan di riol i eskape pa awa di yobida), urban spelunking, urban rock climbing, urban caving, building hacking i mousing. Esaki en partikular den áreanan kaminda naturalesa i strukturanan humano ta topa otro.

Étika di urban explorers

  •  Mester kontrolá semper si mester di pèrmit di doño di e struktura pa haña akseso. Asina ta evitá traspaso ilegal di tereno privá. 
  • Ta un hobby basta físiko i praktikantenan ta kore peliger real. E strukturanan yen biaha no ta stabil i tambe mester tene kuenta ku e riesgo di derumbe.
  • Eksploradónan urbano no ta okashoná daño na e strukturanan i no ta bai ku nada for di e sitio.

Kompartí bo material ku nos!

Nos a logra krea e sekshon aki danki na e kantidat ekstenso di material ku e kanal di YouTube Curaçao Life a buta na nos disposishon. Nan a eksplorá vários monumento lokal konosí i a graba vários imágen interesante ku nos lo publiká regularmente.

Si bo tambe ta un praktikante responsabel di Urban Exploration, konsiderá bira Contributor di nos plataforma i promové bo trabou!

Join nos Contributors

Kompartí bo trabou huntu ku otro professionals!
Mas informashon