E wèpsait aki ta un produkshon di MaNo Productions – Digital Audiovisual Media & Text (en adelante “MaNo Productions”). Mayor parti di 5W Press su kontenido ta grátis aksesibel i no ta rekerí “abonnement”, pero pa algun parti i funshonalidat nos ta pidi pa registrá. Riba e pagina aki bo por haña mas informashon riba nos maneho di kolekshon, uso, i protekshon di transferensha di dato i informashon personal.
Konektá ku Facebook
Usuarionan di nos website por konektá ku nan Facebook account pa partisipá na nos Public Panel i, komo èkstra, haña akseso na nos Movie Club. Bo account di Facebook ta de fakto informashon personal i pa e motibu ei MaNo Productions NO ta kompartí e informashon aki ku terseronan.
Dikon nos ta pidi bo pa konektá bo account?
Na promé lugá e ta hasi bida mas fásil pa tantu e usuario komo nos webmaster. E konekshon ku Facebook básikamente ta garantisá ku ta e bishitante mes ta tuma kontakto ku nos òf ta partisipá na nos enkuestanan. Asina nos ta evitá abusu di nos sistema outomatisá.
Nos enkuestanan ta konsistí di preguntanan multiple chocie (nota: naturalmente ta pèrmití pa kambia un kontesta registrá). Ku e konekshon ku Facebook nos por garatisá uso korekto di e sistema di enkuesta. E konekshon ku Facebook ta sirbi pues solamente pa registrá “one user, one vote” i garantisá enkuestanan liber di manipulashon.
MaNo Productions NO tin akseso na bo password i account di Facebook. Nos sistema ta solamente registrá bo nòmber di usario di Facebook i bo email. Ora bo log off ku Facebook bo ta outomátikamente deskonektá for di 5W Press te ora bo konektá di nobo. Usuarionan no por identifiká otro riba nos website. Di e forma ei kada usuario di nos Public Panel su privacy ta protehá kontra otro usuario.
VPN’s
5W Press i su Contributors ta habri enkuesta regularmente pa inventarisá kiko ta biba serka públiko i ta publiká tur reasultado Real-time. Awendia hopi usuario di internèt ta usa Virtual Private Networks (VPN) pa motibu di siguridat. Un práktika ku 5W Press tambe ta rekomendá. Ku VPN por evitá por ehèmpel ku terseronan ta haña akseso na bo datonan personal dor di regularmente kambia bo IP (e protokòl pa bo konekshon ku internet). Pero pa e motibu ei mes VPN por keda usá pa desviá sierto sistema manera enkuestanan virtual a base di IP.
Pues nos no ta ni ke stroba niun hende di usa VPN, pero di otro banda nos ke un sistema di enkuesta korekto i liber di mal uso ku nos oudiensia por konfia. Pa tene e resultadonan i datonan mas real posibel nos ta pèrmití solamente user ku ta konektá ku nan account di Facebook.
Kolekshon di Log Data
5WPress.com ta kolekshoná en prinsipio datonan básiko manera e kantidat di bishita úniko for di aparatonan individual. Esaki pa nos por presentá kantidat di bishita na sponsors.
Ora bo bishitá e website aki e sistema ta kolekshoná asina yamá Log Data, informashon ku bo browser di internet ta manda pa nos server. Log Data por inkluí e Internet Protocol (“IP”) di bo konekshon di internet, vershon di browser, kua página bo a bishitá riba e website aki, e orario i dia di bo bishita, kuantu tempu bo a keda riba sierto página i otro statistik ku nos ta kolekshoná pa analisá performance di nos plataforma. Informashon personal NO ta inkluí durante kolekshon di Log Data.
Cookies
E website aki ta usa Cookies. Esakinan ta archivonan funshonal chikitu i inofensivo ku ta registrá bishita na nos website. Nos sistema ta manda Cookies pa bo browser pa fasilitá bo estadia riba 5wpress.com, aselerá e proseso di karga nos páginanan i mehorá bo eksperensha. E informashon aki ta keda wardá riba bo computer. Bo por delete esakinan fásilmente despues na kualke momento. Nos ta referí na e caching i clear instructions di bo aparato. Tene kuenta ku si bo tin un protekshon ku un setting haltu kontra cookies, e website lo no funshoná korektamente den tur sekshon.
Seguridat i protekshon di konekshon
Nos website ta protehá i vigilá kontra atake virtual. Nos ta hasi konstantemente tur loke ta na nos alkanse pa kumpli mas tantu posibel ku esaki. Tuma nota ku atakenan ku no ta dirigí (por ehèmpel bots) ta fásil di bounce for di nos sistema, pero nos no por duna 100% garantia den kaso di atake hopi dirigí apesar di nos intentonan.
Pa e motibu ei nos ta rekomendá pa solamente konektá ku bo account di Facebook ora bo ke partisipá na enkuesta òf bishitá nos Movie Club. Despues di kada seshon bo por deskonektá fásilmente dor di log off for di Facebook. Esaki ta terminá e konekshon ku 5wpress.news outomátikamente.
Referensha na otro website
Lesa nos Disclaimer i Copyright pa mas informashon.
Edat adekuá pa kontenido di 5W Press
E kontenido di e website aki ta adekuá pa tur persona di 16 aña òf mas. 5W Press no ta publiká opsenidat i tampoko imágennan gráfiko òf material pa adulto.
Kambio òf adaptashon
Ta posibel ku nos ta kambia òf adaptá nos maneho di privacy. Pa e motibu ei mes nos ke pidi bo pa konsultá e página aki regularmente. E teksto publiká akinan semper ta esun mas resien i vigente.
