5W Press Newsletter #26 2023

Albert Heijn ta bai stòp ku benta di kuchú den su tiendanan. Asina e plataforma NH Nieuws a publiká. Luna pasá un trahadó di e kadena di supermerkado a fayesé despues ku un hòmber a hink’é ku kuchú. E kompania lo a tuma e paso aki pa e agreshon ku ta lantando den sosiedat, pero […]

Tin un situashon di preokupashon relashoná ku e populashon di foka (esta zeehond) den Waddenzee na Hulanda. Asina Wageningen Marine Research a bisa NOS. E fokanan ta haña yu manera normal, pero pa motibunan deskonosí e yunan ta muriendo poko despues ku nan nase i esei por afektá e populashon. For di añanan 90 e […]

E kompania Twitter di Elon Musk ta akusá Meta Platforms di kompetensha inhustu ku lansamentu di e plataforma Threads. Den un tweet Musk a komentá ku kompetensha ta un bon kos, pero kompetensha inhustu nò. Segun Musk Meta Platforms lo a kontratá hopi èks trahadó di Twitter ku tabatin akseso na dokumentonan ku kontenido konfidensial […]

Sigur 10 mion usuario ya lo a download i instalá Threads, e app di Meta Platforms ku lo bai kompetí ku Twitter. Asina direktor di Meta Mark Zuckerberg a publiká riba su propio account di Threads. E lansamentu di e app a tuma lugá djaweps 6 di yüli den vários parti di mundu, pero na […]

Sigur 20 outomobilista na Hulanda a haña un but di 359 euro pa filma i saka potrèt di un aksidente grave riba e karetera A2 kaminda un outo a dal den un kònteiner. E konduktor di e outo mester a bai hospital ku urgensha. A2 tabata será pa basta ratu pa polis por hasi su […]

Segun direktor di Shell Wael Sawan un bahada di produkshon di petroli i gas ta iresponsabel i peligroso. Mundu ta den nesesidat agúdo di kombustibel fósil na e momentu aki. Den un entrevista ku BBC Sawan a splika ku energia duradero no ta na un punto ainda ku nos por kambia mesora p’e. E direktor […]

Aktor Daniel Radcliffe, konosí pa su ròl komo Harry Potter, no ta kere ku su partisipashon ta nesesario pa hasi e serie aktual rondó di e mesun personahe un éksito. E ta kontentu ku otro hende ta karga e batuta. Den un entrevista ku e revista ComicBook el a indiká ku e ta kontentu manera […]

Pronto e kompania Meta Platforms ta bai lansa Threads, un app ku mester kompetí ku Twitter. E app lo ta disponibel entrante djaweps 6 di yüli riba App Store di Apple. Threads lo ta akoplá na Instagram pa asina usuarionan por pasa nan siguidónan riba Instagram pa e app nobo. Di e forma ei usuarionan […]

E reakshonnan den prensa lokal i internashonal riba e disturbionan na Fransia ta hopi dividí. Tantu e manifestantenan komo polis ta haña falta di e agreshonnan. Esnan responsabel pa e destrukshonnan ta tilda polis di rasismo i violensha struktural. Alabes tin mas di 350 mil euro na donashon a drenta pa famia di Nahel, e […]

Organisashonnan pa bienestar di animal ku ta operá na Kòrsou a entregá un lista na Promé Minister Pisas ku 11 mil firma bou di un petishon pa no ehekutá un plan di Dierenbescherming pa rekohé kachó di kaya i mata esakinan. E organisashonnan a aserká gobièrnu pa papia riba plannan alternativo.

Despues di tin 2 aña mará kaba na Santa Barbara poko poko pero sigur e réplika di Santa Maria por kuminsá risibí públiko. Nos tabata presente ora ku Glorieux College a hasi un bishita pa haña un introdukshon den e biahe ku Cristóbal Colón a hasi di Oropa pa Karibe den 1492.

Den parti nort di Italia a logra reskatá un dama despues di 36 ora for di un kueba. Ta trata di un eksplorador konosí na Italia ku a kai for di un baranka te na un profundidat di 150 meter. E pia di e dama ta kibrá dor di e kaida. Su kompañeronan a notifiká […]

Tin krítika fuerte di partikularmente China i Sur-Korea riba e plannan di Hapon pa laga awa proveniente di e reaktor na Fukushima kore bai laman. Esaki apesar di aprobashon di International Atomic Energy Agency di Nashonnan Uní ku ta konsiderá ku ta safe pa laga e awa kore bai laman. Segun China i Sur-Korea esaki […]

Entrante 1 yanüari 2024 alumnonan na Hulanda mester tin un motibu bálido si nan ke tin nan telefòn den klas. Asina entre otro NOS ta informá. Ministerio di Enseñansa ta bai presentá un konseho urgente pa esaki di akuerdo ku un karta di minister Robbert Dijkgraaf. Despues di e temporada di fakansi aki dosentenan, alumnonan […]

Sientífikonan a deskubrí olanan di sonido den espasio okashoná pa un choke entre dos black hole na un distansia konsiderabel for di nos. Esaki por ta promé biaha ku ta registrá kreashon di un black hole nobo. Manera ta konosí black holes ta forma e sentro di un sistema solar i ta konsistí di materia […]

Apple ta e promé kompania Merikano den historia ku a alkansá un balor di 3 bion dòler ($ 3.000.000.000.000) riba merkado di bolsa. Pa algun tempu kaba e balor di akshonnan tabata aproksimando e rèkòrt aki. E aña aki e balor di akshonnan di Apple a subi ku 49%, kua ta nifiká ku for di […]

Entrevista ku Diomar Windster, fundadó di Plataforma Reign, riba e aktividatnan ku nan ta organisá pa hóbennan i muchanan spesial topa ku otro. Un danki spesial na John El Gayo (kámara) i Nadear Vrutaal (drone).