Hende muhé no ta pèrmití mas na universidatnan di Afganistan. Asina e ministerio di enseñansa di e régimen di Taliban a disidí te próksimo aviso. E prohibishon ta konta pa tantu universidatnan públiko komo esnan privá. E paso aki ta sigui otro medidanan ku e gobièrnu nobo di Afganistan a tuma relashoná ku posishon di hende muhé den e pais, ku a mira mayoria di nan libertatnan bai atras bou di e régimen Islámiko di Taliban.
Tambe resien e régimen a duna òrdu na wesnan pa reintrodusí e sekshonnan mas severo di sharia, e lei Islámiko ku ta pèrmití ehekushonnan públiko i kastigu di morto ku piedra. Taliban a yega bèk na poder aña pasá despues di dos dékada di okupashon Merikano.
