Konflikto entre Palestina i Israèl: e echonan prinsipal despues di 2 dia di violensha
Djasabra 7 di òktober miembronan militante di Hamas a hiba un atake inesperá riba Israèl. Tin hopi informashon ta bai rònt i diskushonnan ta fuerte. Aki ta sigui e echonan prinsipal:
- A bin haña más di 250 kurpa sin bida riba un tereno na un festival den sùit di Israèl
Durante e atake di Hamas nan a subi e tereno di un festival kaminda aparte di tira riba e públiko a sekuestra un kantidat deskonosí di persona for di e tereno. - Nashonnan Uní a pidi akseso pa yudansa humanitario por yega árianan Palestino
- Israèl a ataká entretantu mas di 1000 blanku riba teritorio Palestino ku bòm proveniente di atake aéreo i a deklará estado ofisial di guerra
- Djadumingu e organisashon Hezbollah a kuminsá sostené Hamas ku atakenan for di Libanon den parti nort di Israèl
- Te asina leu e kantidat di morto na banda di Israèl ta rondó di 900 persona i na banda di Palestina 600 morto ku probablemente lo sigui subi dor di e forsa militar di Israèl (e informashon aki por kambia regularmente)
- Hamas a deklará ku si Israèl no para e bombardeonan, ku lo kuminsá mata rehen
- Segun kákulonan Hamas lo tin mas o ménos 150 rehen Israelí (e informashon aki por kambia regularmente)
Segun detayenan ta drenta nos lo sigui informá pero tene kuenta ku e kantidat di informenan for di e region ta enorme i ta un reto pa konta tur kos pareu.
