Bon biní na 5W Press – News & Infotainment, un plataforma adaptá na e époka digital ku nos ta biba aden. Nos ta un multimedia platform ku e karakterístikanan di un Online Magazine. Pues, nos no ta televishon, ni radio, ni korant, i sigur no un social medium.
Nos meta ta pa komplementá otro medionan di komunikashon na Kòrsou no solamente ku fast read news di e susesonan ku mas ta hala atenshon, pero tambe ku artíkulonan mas profundisá, den un formato organisá i kompañá pa datonan verifikabel. Nos ta kombensí ku notisia i publikashonnan (oudiovisual) ku un enfoke riba echonan básiko, ta kondusí na un debate públiko mas sano.
Luiz Inácio “Lula” da Silva a gana e di 2 ronda di elekshon presidensial na Brasil. Segun e último konteo ayera nochi Lula a optené kasi 51% di votonan, un viktoria nèt nèt ku ta hasi’e presidente di e pais atrobe. Su kontrinkante Jair Bolsonaro a optené 49,2% di votonan.
Lula tabata presidente di e pais entre 2003 i 2010 i a primintí su votadónan ku lo e bai bèk na su maneho anterior, ku énfasis riba protekshon di esnan mas vulnerabel i anulashon di eksplotashon di Amazona.
Su atversario Bolsonaro a antisipá riba un posibel derota i a anunsiá promé ku elekshon ku lo e laga investigá e proseso di elekshon.
General Overview
The digital era that we are currently experiencing is a challenge for many in pur
communities. To give support to those experiencing this hurdle and to engage those a bit
more advanced, we have created an informative program, in papiamentu, called TECH
TIME with ARTHUR THOLEL
Goal:
1. Provide information and updates to the viewers on the latest technology
2. Stimulate the use of hardware, software and applications
3. Encourage the purchase and use of digital products
4. Provide guidance for the use of technology
E Augmented Reality (AR) Headset desaroyá pa Apple lo bini ekipá ku un Iris Scan. Asina e website The Information a publiká a base di fuentenan ku ta traha na e kompania. E Iris Scan ta bai sirbi pa usuarionan por entre otro login riba nan Apple account i hasi pagonan através di Apple Pay.
Segun e fuentenan Apple ta hasiendo uso di teknologia di SensoMotoric Instruments, un kompania di orígen Aleman ku Apple a atkirí den 2017.
Usuarionan di Apple lo por usa e Iris Scan di e AR pa identifiká nan mes. Nos kada un tin un íris úniko, pues e por funshoná perfektamente komo fingerprint. Esaki por sirbi por ehèmpel pa usuarionan di Apple login riba nan Apple account.
E Iris Scan por sirbi tambe pa aprobá pago digital. Di momentu Apple ta usando Touch ID (pa fingerprint) i Face ID (pa rekonosementu di kara) pa usuarionan por login di forma personalisá i p’esei mes ímposibel pa hack. Si e plannan aki kristalisá e Iris Scan lo bira e di tres método di siguridat biométriko di Apple.
Segun e fuentenan na Apple, e gadget ta adekuá pa tantu AR komo VR (Virtual Reality). Ku augmented reality por agregá imágen adishonal na imágen di realidat eksistente. VR sinembargo ta buta e usuarionan den un realidat virtual. E diseño di e AR Headset aparentemente ta paresí na e Quest 2, un VR Headset di e kompania tras di Facebook.
No tin klaridat riba ki dia Apple lo presentá e AR Headset. Gerensha di Apple ya lo a haña un bista kaba riba algun prototipo i lo duna mas informashon promé ku fin di e aña aki.
Microsoft ta bai deskontinuá e marka Office pa e konosido paketenan Word, Excel i Powerpoint. E kompania ta bai koloká tur software i servisio bou di e marka Microsoft 365.
E kambio ta drenta na vigor a partir di novèmber. Microsoft lo kuminsá ku remplaso di e website Office.com. Na inisio di 2023 ta aktualisá tur app di Office pa Windows pa Microsoft 365. Esaki ta konta tambe pa mobile apps ku lo haña e nòmber i un “look” nobo.
Microsoft no ta bai kambia e nòmber di e paketenan di software. Pues e programam pa prosesá teksto Word i esun pa prosesá spreadsheets Excel lo mantené nan nòmber. Esaki ta konta tambe pa Powerpoint, Outlook i Teams.
Segun un artíkulo publiká pa Forbes un oudiensia ta retené 95% di un mensahe ora e wak i tende esaki den un video, kompará ku 10% ora e lesa esaki den un teksto.
Den e mundu ku ta move den pasonan grandi i rápido, hende ke akeso fásil na notisia ku e echonan básiko pa ta kompletamente “up to date”. Usuarionan di Facebook, Instagram i YouTube no ta pèrdè nada ku nos “fast read” items!
Bo tambe ta soña pa algun dia kuminsá un negoshi di bo mes? Òf kisas bo tin un talento ku hende ta dispuesto na paga p’e?
Tur profeshonal independiente òf komersiante a kuminsá nan karera ku e mesun preguntanan aki pa finalmente skohe pa un bida independiente. Klaro ku independensha tin su riesgonan, pero e bida di un komersiante òf profeshonal indpendiente ta trese 9 bentaha importante ku n’e:
Niun hende ta manda riba bo
Bo mester por organisá bo tempu
Bo ta mas felis den bo trabou
Bo ta traha kaminda i ora bo ke
Bo ta gana tempu
Bo por gana mas sèn
Bo por traha riba bo desaroyo personal
Bo tin variedat den trabou
Kuminsá pa bo mes ta stimulá bo kreatividat
5W Press ta dediká na promové entrepreneurship i small business owners lokal ku asina yamá Business Reports. Den e video aki nos ta splika den kòrtiku kon e prinsipio di 5W’s por benefisiá bo negoshi:
Bo tambe ke un Business Report riba nos website i retnan sosial? Tuma kontakto ku nos!
5WPress ta dediká na promové siensia i teknologia ku artíkulonan oudiovisual konfiabel ku kontenido edukativo. Riba nos plataforma NO tin espasio pa teorianan pseudosientífiko.
E evento djasabra último na Seul – kapital di Sur Korea – kaminda 153 persona a fayesé a keda okashoná pa un estampida den un kaya smal. Asina testigunan a deklará na agensia di prensa Yonhap. E tragedia a tuma lugá na e área di rekreo i salimentu Itaewon kaminda lo tabatin alrededor di 100 mil persona presente pa selebrá Halloween.
E víktimanan a muri dor di pushamentu ku a surgi den un kaya smal ku ta bai abou. E aña aki tabata promé biaha atrobe ku por a asistí sin medidanan pa evitá propagashon di Covid-19. Outoridatnan a duna di konosé durante un deklarashon ku promé ku e pandemia nunka nan no a haña nan konfrontá ku tantu hende na e evento.
Ekspertonan internashonal a bisa a base di grabashonnan ku ta sirkulá riba internèt ku polis no tabata prepará pa e kantidat di hende.
E serie popular riba Netflix The Witcher ta bai haña un di 4 temporada. E temporada nobo aki sinembargo lo kontinuá sin protagonista Henry Cavill ku ta hunga e papel di yagdó di mònster Geralt of Rivia. Liam Hemsworth (ruman di Chris Hemsworth alias Thor den e pelíkulanan di Marvel) a keda anunsiá komo remplasante di Henry Cavill.
Siman pasá Cavill a anunsiá den un video riba Instagram ku e ta bin bèk pronto den su ròl komo Superman. E aktor Ingles a hunga e paprel di Clark Kent (alias Superman) entre otro den Batman v Superman: Dawn of Justice (2016) i Man of Steel (2013).
Eksportashon di grano for di Ukrania ta kompletamente paralisá atrobe. Esaki despues ku Rusia a hala atras for di un akuerdo pa fasilitá eksportashon for di e pais. Mas di 10 barku di transporte ta konsekuentemente mará. Rusia ta kulpa Ukrania di a ordená un atake ku drone riba barkunan di marina pegá ku e siudat Sebastopol na Krimea.
Nashonnan Uní ta pronostiká problema ku suministro di alimento den sierto parti di mundu ku por resultá den un krísis. Riba 22 di yüli último e dos paisnan a yega na un akuerdo pa fasilitá eksportashon di grano for di Ukrania. E dil mester a vense originalmente riba 19 di novèmber.
E kantidat di mortonan na Filipina komo konsekuensha di e tifon Nalgae a subi te 98. E mal tempu a pasa riba partinan di e pais djasabra último, okashonando tantu inundashon komo derumbe di tera. Segun outoridatnan lo tin 63 persona ofisialmente pèrdí i 69 herido. Tur aña tin alrededor di 20 tifon i tromenta ta pasa riba Filipina. Segun algun sientífiko e okurensha di tormenta i tifon ta relashoná ku kambio di klima.
Rescuers retrieve a body at Maguindanao’s Datu Odin Sinsuat town, southern Philippines on Sunday Oct. 30, 2022. Victims of a huge mudslide set off by Tropical Storm Nalgae in a coastal Philippine village that had once been devastated by a killer tsunami mistakenly thought a tidal wave was coming and ran to higher ground toward a mountain and were buried alive, an official said Sunday. (AP Photo)
